ពិធីសម្ពោធដាក់អោយប្រើប្រាស់អគារមណ្ឌលសុខភាពឱកាសខ្
ថ្ងៃចេញផ្សាយ: Tuesday, September 11, 2018, 9:39 AM
ពិធីសម្ពោធដាក់អោយប្រើប្រាស់អគារមណ្ឌលសុខភាពឱកាសខ្ញុំ ចំនួន០១ខ្នង ១១បន្ទប់ ស្ថិតនៅមជ្ឈមណ្ឌលឱកាសខ្ញុំ ក្នុងសង្កាត់ឃ្មួញ ខណ្ឌសែនសុខ រាជធានីភ្នំពេញ ដែលជាអំណោយរបស់រដ្ឋបាលរាជធានីភ្នំពេញ ក្រោមអធិបតី ឯកឧត្ដម នួន ផារ័ត្ន អភិបាលរងរាជធានីភ្នំពេញ តំណាងដ៏ខ្ពង់ខ្ពស់ ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ នាព្រឹកថ្ងៃអង្គារ ០២កើត ខែភទ្របទ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១១ ខែកញ្ញា ឆ្នាំ២០១៨។
ដោយការយកចិត្តទុកដាក់ គិតគូរខ្ពស់ ដល់ក្មួយៗដែលកំពុងរងគ្រោះដោយការប្រើប្រាស់គ្រឿងញៀន និងដោយពិនិត្យឃើញថា មណ្ឌលសុខភាព ជាតម្រូវការចាំបាច់ ដែលអាចធានាដល់ការព្យាបាលប្រកបដោយគុណភាពខ្ពស់ ដល់ជនរងគ្រោះ ដែលកំពុងទទួលសេវាព្យាបាល និងស្ដារនីតិសម្បទានៅក្នុងមជ្ឈមណ្ឌលឱកាសខ្ញុំ និងប្រជាជនដែលរស់នៅក្នុងតំបន់នោះផង រដ្ឋបាលរាជធានីភ្នំពេញ បានផ្ដល់អំណោយដ៏ថ្លៃថ្លា សាងសង់អគារមណ្ឌលសុខភាពឱកាសខ្ញុំ ចំនួន០១ខ្នង ០១ជាន់ ១១បន្ទប់ ដែលពីធ្វើពីបេតុងអាមេ។
