ពិធីបើកការដ្ឋានស្ថាបនាឡើងវិញ កំណាត់ផ្លូវចូល សកលវិទ្យាល័យភូមិន្ទកសិកម្ម

នៅព្រឹកថ្ងៃទី១១ ខែមិថុនា ឆ្នាំ២០១៦នេះ ឯកឧត្តម ប៉ា សុជាតិវង្ស អភិបាលនៃគណ:អភិបាលរាជធានីភ្នំពេញ បានអញ្ជើញជាអធិបតីភាពក្នុងពិធីបើកការដ្ឋានស្ថាបនាឡើងវិញ កំណាត់ផ្លូវចូល សកលវិទ្យាល័យភូមិន្ទកសិកម្មចំការដូងស្ថិតនៅក្នុងខណ្ឌដង្កោ រាជធានីភ្នំពេញ ។
កំណាត់ផ្លូវប្រមាណជាង៦០០ម៉ែត្រ ធ្វើអំពីបេតុងឆ្អឹងដែក កំរាស់១តឹកកន្លះ នឹងក្លាយជាប្រយោជន៍ដល់និស្សិត និងប្រជាពលរដ្ឋ ដែលធ្វើដំណើរ កាត់តាមតំបន់ខាងលើ។ លើសពីនេះទៅទៀតនោះ ឯកឧត្តមអភិបាលបានក្រើនរំលឹកដល់ប្រជាពលរដ្ឋ និងនិស្សិតសូមធ្វើដំណើរដោយ គោរពច្បាប់ចរាចរណ៍ ខណៈមានផ្លូវស្អាតធំទូលាយ។