គណៈប្រតិភូសាលារាជធានី ចុះត្រួតពិនិត្យ សិប្បកម្មផលិតសាប៊ូមួយកន្លែង

                នៅព្រឹកថ្ងៃទី ២២ ខែមករា ឆ្នាំ២០២០ លោកជំទាវ កែវ សុខពិសី អភិបាលរង នៃគណៈអភិបាលរាជធានីភ្នំពេញបានដឹកនាំគណៈប្រតិភូចុះត្រួតពិនិត្យសិប្បកម្មផលិតសាប៊ូមួយកន្លែង ដែលស្ថិតនៅភូមិភូមិទ្រា២ សង្កាត់ស្ទឹងមានជ័យទី១។

បើតាមសម្ដីរបស់ លោក ឌី រ័ត្នខេមរុណ អភិបាលរងខណ្ឌមានជ័យបានប្រាប់ឲ្យដឹងថាការចុះត្រួតពិនិត្យនូវសិប្បកម្មសាប៊ូដែលមានស្លាកយីហោក្លិន ផលិតនៅក្នុងស្រុក នៅក្នុងសិប្បកម្ម គឺផលិតសាប៊ូមានច្រើនប្រភេទ ទី១គឺមានសាប៊ូកក់សក់ ទី២សាប៊ូលាងចាន និងទី៣សាប៊ូម្សៅសម្រាប់កូនក្មេង និងមានសាប៊ូជាច្រើនទៀតដែល   សិប្បកម្មនេះបានផលិតឡើង។

លោកបានបន្តទៀតថាការដឹកនាំគណៈប្រតិភូចុះទៅត្រួតពិនិត្យសិប្បកម្មផលិតសាប៊ូខាងលើនេះ គឺទី១ជួយផ្សព្វផ្សាយនិងជំរុញឲ្យប្រជាពលរដ្ឋជួយគាំទ្រប្រើប្រាស់ផលិតផលនៅក្នុងស្រុកឲ្យបានច្រើន ទី២ ត្រួតពិនិត្យ ស្តង់ដារបច្ចេកទេស ពេលដែលពិនិត្យឃើញថាសិប្បកម្មខាងលើមានការវេចខ្ចប់បានត្រឹមត្រូវនិងមានមន្ត្រីជំនាញចុះត្រួតពិនិត្យជាប្រចាំ ក្នុងគឺមានជំនាញជនជាតិបរទេសពិនិត្យផងដែរ ចំណែករឿងបញ្ហាបរិស្ថានវិញគឺមិនមានក្លិនប៉ះពាល់ដល់ប្រជាពលរដ្ឋដែលរស់នៅជុំវិញសិប្បកម្មនោះទេ។