កិច្ចប្រជុំ​សាមញ្ញលើក​ទី៥ របស់ក្រុមប្រឹក្សារាជធានី​ភ្នំពេញ​អាណត្តិ​ទី២

រុមប្រឹក្សារាជធានីភ្នំពេញអាណត្តិ២ បានបើកកិច្ចប្រជុំសាមញ្ញលើកទី៥ នាព្រឹកថ្ងៃទី០៧ ខែតុលា ឆ្នាំ ២០១៤ នៅសាលារាជធានីភ្នំពេញ ក្រោមអធិបតីភាព ឯកឧត្តម ម៉ប់ សារិន ប្រធាន ក្រុមប្រឹក្សា និងជាប្រធានអង្គប្រជុំ អង្គប្រជុំនេះមានការចូលរួមពីសមាជិក សមាជិកាក្រុមប្រឹក្សារាជធានីភ្នំពេញចំនួន ១៩រូប លើ២១រូប (អវត្តមាន២រូប មានច្បាប់អនុញ្ញាត១រូប និងសុំលាលែងពីមុខតំណែង ១រូប) គណៈអភិបាលរាជធានីភ្នំពេញចំនួន ៤រូប លើ៧រូប នាយក នាយករងរដ្ឋបាល នាយក នាយិកាទីចាត់ការសាលារាជធានីភ្នំពេញ និងប្រធានមន្ទីរ-អង្គភាព​ជុំវិញ​សាលា​រាជធានី​ភ្នំពេញ​ចំនួន ៥៣រូប ព្រមទាំងតំណាងអង្គការក្រៅរដ្ឋាភិបាល និងតំណាងប្រជាពលរដ្ឋចំនួន ៩រូប សរុប​វត្តមាន​ទាំង​អស់​ចំនួន ៨៥រូប ។