ពិធីប្រកាសដាក់ឱ្យប្រើប្រាស់កំណាត់ផ្លូវជាតិលេខ៤ និងស្ពានថ្មើរជើងឆ្លងផ្លូវជម្ពូវ័ន

ពិធីប្រកាសដាក់ឱ្យប្រើប្រាស់កំណាត់ផ្លូវជាតិលេខ៤ និងស្ពានថ្មើរជើងឆ្លងផ្លូវជម្ពូវ័ន។ ព្រឹក ០៥-០៥-២០១៧

ព្រះសង្ឃ ប្រជាពលរដ្ឋ សិស្សានុសិស្ស រស់នៅភូមិសាស្ត្រនេះ សាទររីករាយជាមួយសមិទ្ធផលថ្មីនេះ ព្រោះកន្លងមកទីតាំងនេះមានបញ្ហាគ្រោះថ្នាក់ចរាចរណ៍ជាញឹកញាប់។ ទន្ទឹមនឹងនេះ ខ្ញុំក៏សូមបញ្ជាក់ចំពោះចម្ងល់ផ្សេងៗជុំវិញស្ពានថ្មើរជើងនេះ៖
ទី១-គម្រោងឈរលើហេតុផលបច្ចេកទេស និងផលប៉ះពាល់ជាចម្បង ដោយធានាលំហូចរាចរណ៍ក្នុងតំបន់ ចំណត ថ្មើរជើង បណ្ដាញប្រឡាយបង្ហូរទឹក និងសណ្ដាប់ធ្នាប់។
ទី២-បញ្ហាផលប៉ះពាល់ជារឿងសំខាន់ បណ្ដាញអគ្គិសនី បណ្ដាញទឹក បណ្ដាញប្រៃសណីយ៍ ពិសេសគឺការបិទមុខផ្ទះប្រជាពលរដ្ឋទាំងស្រុង។
ទី៣-ផ្លូវក្រៅសងខាងសម្រាប់មធ្យោបាយជិតៗ និងសម្រាប់ចំណតដើម្បីបញ្ជៀសបញ្ហាកកស្ទះ ដល់ផ្លូវល្បឿនលឿននៅកណ្ដាល។
ទី៤-ផ្លូវជាតិលេខ៤ មានសាច់ផ្លូវត្រឹមតែជើងជណ្ដើរស្ពាននេះតែប៉ុណ្ណោះ ចំណែកផ្លូវបន្ថែមសងខាងនេះជាប្រឡាយដែលយើងចាក់បេតុងសម្រាប់ប្រជាពលរដ្ឋរស់នៅជិតនោះ បញ្ជៀសគ្រោះថ្នាក់ និងការកកស្ទះ។