កិច្ចប្រជុំគណៈកម្មាធិការត្រួតពិនិត្យគ្រឿងញៀនរាជធានីភ្នំពេញ
ថ្ងៃចេញផ្សាយ: Monday, August 20, 2018, 10:13 AM
នាព្រឹកថ្ងៃចន្ទ ០៩កើត ខែស្រាពណ៍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២០ ខែសីហា ឆ្នាំ២០១៨នេះ ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ បានអញ្ជើញជាអធិបតីក្នុងអង្គប្រជុំគណៈកម្មាធិការត្រួតពិនិត្យគ្រឿងញៀនរាជធានីភ្នំពេញ ដោយមានការចូលរួមអភិបាលខណ្ឌទាំង១២ មន្ទីរជំនាញ និងអាជ្ញាធរ អង្គភាពពាក់ព័ន្ធទាំងអស់ក្នុងរាជធានីភ្នំពេញ។
ឯកឧត្ដមប្រធាននៃអង្គប្រជុំបានផ្ដាំផ្ញើដល់អភិបាលខណ្ឌទាំង១២ អាជ្ញាធរ អង្គភាពពាក់ព័ន្ធទាំងអស់ត្រូវអនុវត្តតាមវិធានការប្រយុទ្ធ បង្ការ បង្ក្រាប និងទប់ស្ដាត់បញ្ហាគ្រឿងញៀនអោយប្រសិទ្ធភាពខ្ពស់ និងទទួលយកបានពីសំណាក់បងប្អូនប្រជាពលរដ្ឋក្នុងរាជធានីភ្នំពេញ៕
