ការចុះសួរសុខទុក្ខ​ និងបាននាំយកអំណោយមនុស្សធម៌ទៅជូនកូនប្រុសលោក​ គង់ សំបូរ

នៅរសៀលថ្ងៃទី០៥ ខែមករា ឆ្នាំ២០១៦ គណៈកម្មាធិការអនុសាខា កាកបាទក្រហមកម្ពុជាខណ្ឌសែនសុខ ដឹកនាំដោយលោក ទៀវ សំអឿន អនុប្រធានគណៈកម្មាធិការអនុសាខាកាកបាទក្រហមកម្ពុជា ខណ្ឌ និងជាអភិបាលរងខណ្ឌបានដឹកនាំក្រុមការងារអញ្ជើញចុះសួរសុខទុក្ខ និងបាននាំយកអំណោយមនុស្សធម៌ជាគ្រឿងឩបភោគបរិភោគ និងសម្ភារប្រើប្រាស់មួយចំនួនរបស់ សម្តេចកិត្តិព្រិទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជាទៅជូនលោក គង់ សំបូរ ចៅរងទី១ សង្កាត់ភ្នំពេញថ្មី ដែលមានកូន ឈ្មោះ គង់ ម៉ែនរតនៈ ដែលបានរងគ្រោះថ្នាក់ចរាចរណ៍ផុងលលាដ៍ក្បាលធ្ងន់ធ្ងរកំពុងសម្រាកព្យាបាលនៅមន្ទីរពេទ្យកាល់ម៉ែត្រ ។ ជាមួយនេះ លោក ទៀវ សំអឿន បានឧបត្ថម្ភថវិកាចំនួន ២០០.០០០រៀល និងលោក ថេង សុថុល ប្រធាន អនុសាខាកាកបាទក្រហមកម្ពុជាខណ្ឌបានឧបត្ថម្ភចំនួន ៥០០.០០០រៀល។