អភិបាលរាជធានីភ្នំពេញបានចុះការតុបតែងប្រទីប និងសួនច្បារនៅត្រើយខាងកើត ខណ្ឌជ្រោយចង្វារ

ក្រោយពីប្រជុំការងារលម្អិតសម្រាប់ត្រៀមលក្ខណៈក្នុងព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក កាលពីរសៀល នៅល្ងាចថ្ងៃពុធ ០៧កើត ខែកត្ដិក ឆ្នាំច សំរឹទ្ធិ​ស័ក ព.ស២៥៦២ ត្រូវ​នឹង​ថ្ងៃ​ទី​១៤ ខែវិច្ឆិកា​ ឆ្នាំ២០១៨នេះ ឯកឧត្តម ឃួង ស្រេង អភិបាលរាជធានីភ្នំពេញ បានដឹកនាំមន្ត្រីពាក់ព័ន្ធចុះពិនិត្យការងាររៀបចំប្រទីបរដ្ឋបាលរាជធានីភ្នំពេញ នឹងសម្រេចជាស្ថាពរនា​ពេល​ខាង​មុននេះ និងបានបន្តពិនិត្យការងារតុបតែងលម្អតាមសួនច្បារនៅត្រើយខាងកើត រដ្ឋបាលរាជធានីភ្នំពេញក៏បានរៀបចំកន្លែង​ស្នាក់​ជូន​បងប្អូន​ចំណុះ​ទូក​ ដោយមានតភ្ជាប់ជូននូវទឹកស្អាត ភ្លើងអគ្គិសនី បង្គន់អនាម័យ បន្ទប់ទឹក និងកន្លែងសង្គ្រោះបឋមក្នុងតំបន់នេះផងដែរ៕