(Khmer) ឯកឧត្តម ឃួង ស្រេង ដឹកនាំកិច្ចប្រជុំត្រួតពិនិត្យការចរាចរណ៍ចេញ-ចូលរបស់រថយន្តធុនធ្ងន់ ក្នុងរាជធានីភ្នំពេញ
Published Date: Friday, February 09, 2018, 9:03 AM
(Khmer)
នាព្រឹកថ្ងៃសុក្រ ៩រោច ខែមាឃ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី០៩ ខែកុម្ភៈ ឆ្នាំ២០១៨នេះ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ បានដឹកនាំកិច្ចប្រជុំត្រួតពិនិត្យការចរាចរណ៍ចេញ-ចូលរបស់រថយន្តធុនធ្ងន់ ក្នុងរាជធានីភ្នំពេញ ដើម្បីពង្រឹងការអនុវត្តច្បាប់ចរាចរណ៍ផ្លូវគោក កាត់បន្ថយឱ្យបានខ្ពស់បំផុតនូវការកកស្ទះចរាចរណ៍ និងគ្រោះថ្នាក់ចរាចរណ៍។ ឯកឧត្តមអភិបាល នៃគណៈអភិបាលរាជធានីភ្នំពេញ បានណែនាំដល់គ្រប់ស្ថាប័ន អង្គភាពចំណុះរដ្ឋបាលរាជធានីភ្នំពេញ ពិសេសអាជ្ញាធរខណ្ឌ ត្រូវយកចិត្តទុកដាក់ខ្ពស់ចូលរួមដោះស្រាយបញ្ហាកកស្ទះចរាចរណ៍តាមជំនាញ និងផ្នែករៀងៗខ្លួន។
រដ្ឋបាលរាជធានីភ្នំពេញ នឹងចាត់វិធានការយ៉ាងតឹងរ៉ឹងបំផុតចំពោះរថយន្តទាំងឡាយណា ដែលមិនគោរពតាមបទដ្ឋានបច្ចេកទេសច្បាប់ និងមិនគោរពតាមគោលការណ៍ណែនាំរបស់រដ្ឋបាលរាជធានីភ្នំពេញ ដោយបើកបរខុសពេលវេលា ឬ តម្រាយផ្លូវជាដើម៕
