អនុវត្តតាមអនុសាសន៍ណែនាំដ៏ខ្ពង់ខ្ពស់នេះ រដ្ឋបាលរាជធានីភ្នំពេញកំពុងសហការជាមួយអគ្គិសនីកម្ពុជា ដើម្បីរៀបចំការបញ្ចុះតម្លៃប្រើប្រាស់អគ្គិសនីតាមតូបលក់ដូររបស់អាជីវករក្នុងផ្សារទាំងអស់នៅរាជធានីភ្នំពេញ មកត្រឹម ៧៤០រៀល ក្នុងមួយគីឡូវ៉ាត់ម៉ោង ដែលជាតំលៃក្នុងប្រភេទពាណិជ្ជកម្មធុនតូច ដោយនឹងចាប់ផ្តើមពីខែមករា ឆ្នាំ២០១៩ នេះតទៅ។

អាស្រ័យហេតុនេះ សូមបងប្អូនអាជីវករលក់ដូរតាមផ្សារទាំងអស់មេត្តាជ្រាប និងត្រៀមសហការជាមួយក្រុមការងារដែលនឹងចុះធ្វើកិច្ចការដល់ទីរួមផ្សារផ្ទាល់ក្នុងពេលដ៏ខ្លីខាងមុខនេះ។