ការចុះវាស់ស្ទង់ និងចាក់ក្រាលថ្មធំៗទប់ជើងច្រាំងបាក់ជាបណ្តោះអាសន្ន

បន្ទាប់ពីឯកឧត្តម ឃួង ស្រេង អភិបាលរាជធានីភ្នំពេញ ចុះពិនិត្យករណីបាក់ច្រាំងទន្លេសាបនៅភូមិព្រែកតាគង់ សង្កាត់ព្រែកតាសេក ខណ្ឌជ្រោយចង្វារ នៅថ្ងៃទី៤-៥ ខែសីហា ឆ្នាំ២០១៨នេះ មន្ទីរសាធារណការ និងដឹកជញ្ជូនរាជធានី បានសហការជាមួយមន្ទីរធនធានទឹក និងឧតុនិយមរាជធានី ចុះវាស់ស្ទង់ និងកំពុងចាក់ក្រាលថ្មធំៗទប់ជើងច្រាំងបាក់ជាបណ្តោះអាសន្ន ដើម្បីទប់ស្កាត់កុំឱ្យបាក់ច្រាំងបន្តទៀត។

ជាផែនការ នៅពេលទឹកស្រកចុងរដូវវស្សានេះ មន្ទីរនឹងសិក្សាបច្ចេកទេស ដើម្បីពិនិត្យលទ្ឋភាពសាងសង់ច្រាំងបេតុងការពារច្រាំងទន្លេនេះតែម្ដង៕