ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ និងលោកជំទាវ ជា ស៊ីណា ឃួងស្រេង នៅព្រឹកថ្ងៃទី១៥ ខែកញ្ញា ឆ្នាំ២០២២នេះ បានអញ្ជើញក្នុងពិធីបុណ្យកាន់បិណ្ឌវេនទី៥ នៅវត្តលង្កាព្រះកុសុមារាមស្ថិតក្នុងសង្កាត់បឹងកេងកងទី១ ខណ្ឌបឹងកេងកង ដើម្បីឧទ្ទិសកុសលផលបុណ្យជូនដល់បុព្វកាលរីជន មានមាតាបីតា ញាតិការទាំង៧សន្តាន ដែលបានចែកឋានទៅកាន់លោកខាងមុខ ជាមួយនឹងការវេរបច្ច័យប្រគេនចំពោះព្រះសង្ឃ បានប្រមាណជាង៣៥លានរៀលសំរាប់កសាងវត្តនេះផងដែរ។
ក្នុងពិធីនោះ ឯកឧត្ដម ឃួង ស្រេង និងលោកជំទាវ បានប្រគេនយាគូដល់ព្រះសង្ឃរាប់បាត្រ បង្សុកូល វេរភត្តាហា ប្រគេនព្រះសង្ឃ និងពហូទេវា ដាឆ្លងជាកិច្ចបង្ហើយបុណ្យ។ ជាមួយគ្នានោះដែរ ឯកឧត្ដមអភិបាលរាជធានីភ្នំពេញ និងលោកជំទាវបានប្រគេនទ័យទានជាច្រើនមុខដល់ព្រះសង្ឃ ដូចជាសាដកចំនួន ២២(២១អង្គ+០១អង្គទេសនា) បាយបត្តបូរ ចំនួន១២ ,មីចំនួន ៣០កេស ទឹកក្រូច ចំនួន ៥០កេស ទឹកបរិសុទ្ធ ចំនួន ១០០កេសអង្ករ ចំនួន១០០គីឡូក្រាម ស្ករស ចំនួន ៥០គីឡូក្រាម ផ្លែឈើ ចំនួន ០៤កន្ត្រក់ ត្រីខកំប៉ុង ចំនួន ០១កេស ទឹកដោះគោខាប់ចំនួន ០១កេស ក្រណាត់ស ចំនួន ២០ដុំ + ថវិកា ៤០.០០០៛ បច្ច័យប្រគេនព្រះសង្ឃ ២១២អង្គ ក្នុង០១អង្គ ចំនួន ៥០.០០០៛ បច្ច័យប្រគេនព្រះចៅអធិការវត្ត ចំនួន ៤០០.០០០៛ បច្ច័យព្រះសង្ឃទេសនា ០១អង្គ ចំនួន ២០០.០០០៛ បច្ច័យលោកអាចារ្យ ចំនួន ២០០.០០០៛ ពុទ្ធិកយុវជន(សិស្ស និស្សិត) ៥០នាក់ ក្នុង ០១នាក់ ចំនួន ២០.០០០៛ និងវេរបច្ច័យប្រគេនបច្ច័យជូនទៅព្រះសង្ឃ សំរាប់កសាងទីអារាមវត្តនេះចំនួន២៩.៥៧០.០០០រៀល និងប្រាក់ដុល្លារ ១.៥៤០ដុល្លារ ដែលសរុបទាំងប្រាក់រៀល និងដុល្លារមានចំនួនប្រមាណជាង៣៥លានរៀល។
គួរបញ្ជាក់ថា ក្នុងពិធីបុណ្យភ្ជុំបិណ្ឌនេះ រដ្ឋបាលរាជធានីភ្នំពេញបានបញ្ចេញរថយន្តដឹកអ្នកដំណើរ រថយន្តក្រុងរបស់សាលារាជធានីភ្នំពេញចំនួន១៧៥គ្រឿង ចាំដឹកជញ្ជូនបងប្អូនប្រជាពលរដ្ឋក្នុងឱកាសបុណ្យភ្ជុំបិណ្ឌនេះដោយមិនគិតប្រាក់ដើម្បីជួយសំរាលការចំណាយរបស់បងប្អូនប្រជាពលរដ្ឋក្នុងឱកាសបុណ្យ។ ជាមួយគ្នានោះរដ្ឋបាលរាជធានីភ្នំពេញ ក៏បានអំពាវនាវដល់ម្ចាស់ក្រុមហ៊ុនរថយន្តដឹកអ្នកដំណើរ កុំតំឡើងថ្លៃការ ធ្វើដំណើរទៅស្រុកកំណើតក្នុងស្ថានភាពដែលបងប្អូនជួបការខ្វះខាត៕
