ឯកឧត្តម ឃួង ស្រេង ទទួលជួបសម្ដែងការគួរសមឯកឧត្ដមឯកអគ្គរាជទូត​ព្រះរាជាណាចក្រ​ថៃ

នាព្រឹកថ្ងៃ​ព្រហស្បតិ៍​ ០១​រោច​ ខែបឋមាសាឍ​ ឆ្នាំ​ច​ សំរឹទ្ធិ​ស័ក​ ព.ស.២៥៦២​ ត្រូវ​នឹង​ថ្ងៃទី​២៨​ ខែ​មិថុនា​ ឆ្នាំ​២០១៨នេះ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ បានទទួលជួបសម្ដែងការគួរសមជាមួយឯកឧត្ដម​ ប៉ាន់យ៉ារ៉ាក់​ ភូនសាប់​ ឯកអគ្គរាជទូត​ព្រះរាជាណាចក្រ​ថៃ​ ប្រចាំ​នៅ​ព្រះរាជាណាចក្រ​កម្ពុជា​ ដើម្បីពិភាក្សាការងារពង្រឹងចំណងមិត្តភាពជាមួយរាជធានីភ្នំពេញ ទាំងផ្នែកវិនិយោគ ផ្នែកទេសចរណ៍ និងផ្នែកសន្តិសុខនៃប្រជាជនព្រមទាំងថ្នាក់ដឹកនាំនៃប្រទេសទាំងពីរ៕