ពិធីផ្ទេរភារកិច្ច និងតែងតាំងមុខតំណែង អភិបាល អភិបាលរង នៃគណៈអភិបាលខណ្ឌ នាយករដ្ឋបាលសាលាខណ្ឌ
ថ្ងៃចេញផ្សាយ: Monday, October 02, 2017, 10:23 AM
នារសៀលថ្ងៃទី០២ ខែតុលា ឆ្នាំ២០១៧នេះ រដ្ឋបាលរាជធានីភ្នំពេញបានប្រារព្ធពិធីផ្ទេរភារកិច្ច និងតែងតាំងមុខតំណែង អភិបាល អភិបាលរង នៃគណៈអភិបាលខណ្ឌ នាយករដ្ឋបាលសាលាខណ្ឌនៃរាជធានីភ្នំពេញ ក្រោមអធិបតីភាពឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ។ ដើម្បីបន្តនិរន្តរភាពការងារបន្ទាប់ពីផ្ទេរភារកិច្ចលោក បុឹល កុសល អោយទៅបំរើការងារនៅទីស្ដីការក្រសួងមហាផ្ទៃ លោក ម៉ូវ ម៉ានិត ត្រូវបានតែងតាំងជាអភិបាលខណ្ឌសែនសុខថ្មី និងបានផ្ទេរភារកិច្ចអភិបាលរងមួយចំនួនទៅបំរើការងារនៅខណ្ឌផ្សេង ព្រមទាំងបានតែងតាំងអភិបាលរងខណ្ឌចំនួនប្រាំរូប និងនាយករដ្ឋបាលខណ្ឌចំនួនបីរូបក្នុងពិធីប្រកាសនោះផងដែរ៕
