កិច្ចប្រជុំស្តីអំពីការផ្សព្វផ្សាយ សមាសភាពក្រុមការងារចម្រុះចុះអនុវត្តផែនការ ការគ្រប់គ្រងជនបរទេសអន្តោប្រវេសន្ត

នៅព្រឹក ថ្ងៃទី ២០ ខែ មេសា ឆ្នាំ ២០១៦ នេះ ឯកឧត្តម ឃួង ស្រេង អភិបាលរង រាជធានីភ្នំពេញ និង ឯកឧត្តម ឧត្តមសេនីយ៏ឯក ឃុន សំបូរ អគ្គនាយករងអន្តោប្រវេសន្តជាប្រធានក្រុម ការងារចម្រុះ ចុះអនុវត្តការងារ គ្រប់គ្រង ជនបរទេសអន្តោប្រវេសន្តខណ្ឌចំការមន បានបើកកិច្ចប្រជុំបន្ទាន់មួយអំពីការផ្សព្វផ្សាយ សមាសភាពក្រុមការងារចម្រុះចុះអនុវត្តផែនការ ការគ្រប់គ្រងជនបរទេសអន្តោប្រវេសន្តក្នុង ព្រះរាជាណាចក្រកម្ពុជារបស់ក្រសួងមហាផ្ទៃ។ ការគ្រប់គ្រងជនបរទេសអន្តោប្រវេសន្តនេះវាមានសារសំខាន់ខ្លាំងណាស់ សំរាប់សេដ្ឋកិច្ច សន្តិសុខ និង សិទ្ឋិមនុស្ស ក្នុងកិច្ចប្រជុំនេះដែរ ឯកឧត្តម ឃួង ស្រេង បានផ្តល់ជាអនុសាសន៏ គឺថា ត្រូវធ្វើឲ្យបានល្អ ម៉ត់ចត់ ច្បាស់លាស់ ច្បាប់គឺច្បាប់ ដើម្បីឲ្យប្រទេសយើងមានការ គ្រប់គ្រងល្អដូចអរិយប្រទេសក្នុងពិភពលោកផងដែរ។ សូមគូសបញ្ជាក់ផងដែរថា ការគ្រប់គ្រងជនបរទេសអន្តោប្រវេសន្តនេះធ្វើក្នុង ខណ្ឌចំនួនប្រាំបីក្នុងរាជធានីភ្នំពេញ ដែលខណ្ឌបួនទៀត និង ខេត្តផ្សេងៗបាន ស្រង់ស្ថិតិជនបរទេសរួចអស់ហើយ។