កិច្ចប្រជុំពិភាក្សាជាមួយមន្ត្រីជំនាញ និងក្រុមហ៊ុនពាក់ព័ន្ធ ដើម្បីពន្លឿនការដ្ឋានស្ថាបនាផ្លូវ និងការដ្ឋានពង្រីកផ្លូវ ដាក់លូ

នៅរសៀលថ្ងៃទី១២ ខែកក្កដា ឆ្នាំ២០១៦នេះ ឯកឧត្តម ប៉ា សុជាតិវង្ស អភិបាល នៃគណៈអភិបាលរាជធានីភ្នំពេញ បានដឹកនាំកិច្ចប្រជុំពិភាក្សាជាមួយមន្ត្រីជំនាញ និងក្រុមហ៊ុនពាក់ព័ន្ធ ដើម្បីពន្លឿនការដ្ឋានស្ថាបនាផ្លូវទំនប់កប់ស្រូវ និងការដ្ឋានពង្រីកផ្លូវ-ដាក់លូនៅតាមបណ្ដោយផ្លូវជាតិលេខ៤ ត្រង់ចំណុចទីតាំងសាលាជម្ពូវ័នឱ្យបានរួចរាល់ក្នុងកំឡុងពេល ៣ខែខាងមុខនេះ។

ក្រុមហ៊ុនដែលទទួលម៉ៅការត្រូវធានាឱ្យបានទាំងគុណភាព សុវត្ថិភាព និងប្រសិទ្ធភាពការងារ ដើម្បីទុកជាកេរ្តិ៍តំណែបានយូរអង្វែងជូនកូនចៅជំនាន់ក្រោយរបស់យើងគ្រប់ៗគ្នា៕