ឯកឧត្ដម ឃួង ស្រេង បានកិច្ចប្រជុំ​គណៈកម្មាធិការ​សាខា​កាកបាទក្រហម​កម្ពុជា​រាជធានីភ្នំពេញ​លើក​ទី១

នា​ព្រឹក​ថ្ងៃ​សុក្រ​ ០៣រោច ខែមាឃ ឆ្នាំ​ច សំរឹទ្ធិ​ស័ក ព.ស២៥៦២ ត្រូវ​នឹង​ថ្ងៃ​ទី​២២ ខែកុម្ភៈ ឆ្នាំ​២០១៩ សាខា​កាកបាទក្រហម​រាជធានីភ្នំពេញ បាន​បើក​កិច្ចប្រជុំ​គណៈកម្មាធិការ​សាខា​កាកបាទក្រហម​កម្ពុជា​រាជធានីភ្នំពេញ​លើក​ទី១ ក្រោម​អធិបតីភាព ឯកឧត្ដម ឃួង ស្រេង ប្រធាន​គណៈកម្មាធិការ​សាខា​កាកបាទក្រហម​កម្ពុជា​រាជធានីភ្នំពេញ ដើម្បី​ពិភាក្សាត្រួតពិនិត្យ និង​អនុវត្ត​ទិសដៅ​បន្ត​ឱ្យមាន​ប្រសិទ្ធ​ភាព តម្លាភាព ស្របតាម​គោលការណ៍គ្រឹះទាំង៧ប្រការ របស់ចលនា កាកបាទក្រហម អឌ្ឍចន្ទក្រហម គឺភាពមនុស្សធម៌ ភាពមិនលំអៀង អព្យាក្រិត្យភាព ឯករាជ្យភាព សេវាកម្មស្ម័គ្រចិត្ត ឯកភាព និងសកលភាព។