នារសៀលថ្ងៃចន្ទ ៧រោច ខែជេស្ឋ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២៤ ខែមិថុនា ឆ្នាំ២០១៩ រដ្ឋបាលរាជធានីភ្នំពេញ បានសហការជាមួយ ក្រុមការងារបរិស្ថានទីក្រុងគីតាគ្យូស៊្សូ រៀបចំសិក្ខាសាលា ស្តីអំពីការផ្លាស់ប្តូរយោបល់ប្រជាពលរដ្ឋកែលម្អ ការគ្រប់គ្រងសំរាមតាមប្រឡាយបឹងត្របែក និងឈានទៅរៀបចំផែនការសកម្មភាពអនុវត្តរួមគ្នា(លើកទី៣) ក្រោមគម្រោងធ្វើឲ្យប្រសើរឡើងការគ្រប់គ្រងសំណល់រឹងក្នុងរាជធានីភ្នំពេញ (ស្ថិតក្នុងគម្រោង Jica) នៅសាលាបឋមសិក្សាជ័យជម្នះ ស្ថិតក្នុងសង្កាត់បឹងកេងកងទី៣ ខណ្ឌបឹងកេងកង ដោយមានការចូលរួមពីប្រជាពលរដ្ឋនៅមូលដ្ឋានផ្ទាល់ ពិសេសប្រជាពលរដ្ឋដែលមានលំនៅដ្ឋានសងខាងប្រឡាយបឹងត្របែក សរុបប្រមាណ១៣០នាក់។
