ឯកឧត្ដម ឃួង ស្រេង បានអញ្ជើញដឹកនាំមន្ត្រីពាក់ព័ន្ធចុះសាកសួរសុខទុក្ខបងប្អូនអាជីវករផ្សារដើមគ

នាព្រឹកថ្ងៃសៅរ៍ ១៥កើត ខែមិគសិរ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី២២ ខែធ្នូ ឆ្នាំ២០១៨នេះ ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ បានអញ្ជើញដឹកនាំមន្ត្រីពាក់ព័ន្ធចុះសាកសួរសុខទុក្ខបងប្អូនអាជីវករផ្សារដើមគ និងផ្សព្វផ្សាយគោលការណ៍របស់សម្តេចអគ្គមហាសេនាបតីតេជោ ហ៊ុន សែន ស្តីពីការបញ្ចុះតម្លៃអគ្គិសនីជូនបងប្អូនអាជីវករប្រើប្រាស់នៅតាមផ្សារតាមតម្លៃរបស់រដ្ឋឱ្យដូចបងប្អូនប្រជាពលរដ្ឋតាមផ្ទះផងដែរ។