លទ្ឋផលប្រតិបត្តិការកាលពីយប់មិញ បានត្រួតពិនិត្យរថយន្តធុនធ្ងន់សរុបចំនួន ៤៨៤គ្រឿង ក្នុងនោះ:
-រថយន្តតទ្រុងខុសលក្ខណៈបច្ចេកទេសចំនួន ៦គ្រឿង
-រថយន្តល្មើសច្បាប់ចរាចរ គ្មានឯកសារចំនួន ៥០គ្រឿង
-រថយន្តត្រឹមត្រូវតាមច្បាប់ចំនួន ៤២៨គ្រឿង។
នៅវេលាម៉ោង ០០:០០យប់ឈានចូលថ្ងៃទី១០ ខែកុម្ភៈ ឆ្នាំ២០១៨ រដ្ឋបាលរាជធានីភ្នំពេញ បានបញ្ជាដល់សមត្ថកិច្ចចម្រុះរួមមាន ស្នងការនគរបាលរាជធានីភ្នំពេញ បញ្ជាការរាជអាវុធរាជធានីភ្នំពេញ រដ្ឋបាលខណ្ឌទាំង១២ និងមន្ទីរសាធារណការ និងដឹកជញ្ជូនរាជធានីភ្នំពេញ ដើម្បីចុះត្រួតពិនិត្យចាប់រថយន្តតទ្រុងខុសលក្ខណៈបច្ចេកទេសនៅតាមទីតាំងគោលដៅចំនួន ១៦កន្លែងក្នុងរាជធានីភ្នំពេញ។
