Home  /  News & Press Releases  /  Phnom Penh Capital News  /  (Khmer) អភិបាលរាជធានីភ្នំពេញ ជម្រុញឱ្យអាជ្ញាធរគ...

(Khmer) អភិបាលរាជធានីភ្នំពេញ ជម្រុញឱ្យអាជ្ញាធរគ្រប់ផ្នែក ពិនិត្យឱ្យបានច្បាស់លាស់ មុននិងអនុញ្ញាតិឱ្យមានការ ជីករឬខួងផ្លូវ នៅក្នុងរាជធានី

Published Date: Wednesday, May 27, 2020, 4:45 PM

(Khmer)

img2705202001 img2705202008

 

 

 

 

 

            ដោយកន្លងមកនេះឃើញថា កំណាត់ផ្លូវដ៏ល្អស្អាតមួយចំនួនបានទទួលរងការខូចខាត ដោយសារការជីកកកាយដោយស្ថាប័នរដ្ឋ និងក្រុមហ៊ុនឯកជនមួយចំនួន ដើម្បីកប់បណ្តាញក្រោមដី ហើយពេលធ្វើសងវិញមិនមានការទទួលខុសត្រូវ ទើបអភិបាលរាជធានីភ្នំពេញ ឯកឧត្តម ឃួង ស្រេង បានជម្រុញឱ្យអាជ្ញាធរ និងមន្ត្រីពាក់ព័ន្ធចំណុះអោយរដ្ឋបាលរាជធានី ជាពិសេសអភិបាលខណ្ឌទាំង១៤ ត្រូវបន្តយកចិត្តទុកដាក់បន្ថែមទៀត ក្នុងការពិនិត្យរាល់ការខួងឆ្លងផ្លូវ ឬ ជីកកាយកប់ខ្សែកាប្លិ៍ក្រោមដី ដោយស្ថាប័នរដ្ឋនានា និងក្រុមហ៊ុនឯកជនទាំងនោះឡើងវិញ ដោយសារតែវាបង្កអោយមានភក់ ជ្រាំ គង្ហុក ទុកចោល និងដីហុយជាដើម ដែលទទួលរងនូវការរិះកន់ពីប្រជាពលរដ្ឋយ៉ាងខ្លាំង ។

            ការជម្រុញបែបនេះរបស់ ឯកឧត្តម ឃួង ស្រេង បានធ្វើឡើងនៅក្នុងកិច្ចប្រជុំ ស្តីពីការជួសជុលគន្លងខ្សែ កាប្លិ៍អាកាសដែលបានជីកកប់ក្រោមដី ក្នុងភូមិសាស្រ្តរាជធានីភ្នំពេញ កាលពីរសៀលថ្ងៃទី២៦ ខែឧសភា ឆ្នាំ២០២០ នេះ ដោយមានការចូលរួមពីអ្នកពាក់ព័ន្ធ ទាំងរដ្ឋ និងឯកជនជាច្រើននាក់ នៅសាលារាជធានីភ្នំពេញ។

            ឯកឧត្តមអភិបាល បញ្ជាក់ថា បើទោះជាមានលិខិតអនុញ្ញាតិក៏ដោយ ក៏ត្រូវតែចុះពិនិត្យស្ថានភាពជាក់ ស្តែងដែរ ដើម្បីដឹងថាការជីកឬខួងផ្លូវរបស់អង្គភាពទាំងនោះ មានផលប៉ះពាល់អ្វីខ្លះ និងមានការទទួលខុសត្រូវបែបណា ពីអង្គភាពទាំងនោះ ត្រូវតែមានកិច្ចសន្យាជាក់លាក់ថាក្រោយពេលជីកកាយកប់ឬឃួងផ្លូវហើយ ក្រុមហ៊ុនទាំងនោះ ត្រូវតែជួសជុលឱ្យបានត្រឹមត្រូវតាមបទដ្ឋានដើម ដោយធានានូវគុណភាពផ្លូវ។

            ឯកឧត្តមអភិបាលក៏បាន ស្នើឱ្យអាជ្ញាធរមូលដ្ឋាន មាន សង្កាត់ ខណ្ឌ និងមន្ទីរជាដើម ត្រូវតែពិនិត្យមើលជាប្រចាំ ដើម្បីឱ្យបានដឹងថា ក្នុងមូលដ្ឋានរបស់ខ្លួន មានកន្លែងណាជីកកាយឬខួងផ្លូវធ្វើអ្វី ព្រោះថាកន្លងមកនេះ មានការលួចជីកកាយ និងឃួងផ្លូវ ហើយអាជ្ញាធរមិនបានដឹង ធ្វើឱ្យខូចផ្លូវហើយគ្មានអ្នកទទួលខុសត្រូវ ក្នុងការជួសជុលឡើងវិញ។ លើសពីនេះ ឯកឧត្តមអភិបាល ស្នើឱ្យពិនិត្យឡើងវិញចំពោះរថយន្តដឹកខ្សាច់ ដែលបង្ករឱ្យជ្រុះខ្សាច់ប្រឡាក់ផ្លូវ និងមានដីហុយ ធ្វើឱ្យប៉ះពាល់បរិស្ថាន និងសោភណ្ឌភាពក្នុងរាជធានីភ្នំពេញ បើរកឃើញក្រុមហ៊ុនដឹកដីឬខ្សាច់ណាមិនទទួលខុសត្រូវ លើបញ្ហាបោសសំអាតត្រូវបញ្ឈប់ជាបន្ទាន់ ជាពិសេសតាមបណ្តោយផ្លូវជាតិលេខ៥។

            ឯកឧត្តម ឃួង ស្រេង ក៏បានស្នើផងដែរថា រាល់សកម្មភាពការងារក្នុងមូលដ្ឋាន រាជធានីភ្នំពេញ ត្រូវតែមានកិច្ចប្រជុំពិភាក្សាគ្នា និងមានរបាយការណ៍បញ្ជូនមកតាមឋានានុក្រម ឱ្យបានច្បាស់លាស់ និងជាប់លាប់ ដើម្បីបានដឹង និងពិនិត្យលទ្ធភាពក្នុងការដោះស្រាយ រាល់ផលប៉ះពាល់ ដែលបង្ករឡើង ដោយសកម្មភាពទាំងនោះ ក្រោមការទទួលខុសត្រូវរៀងៗខ្លួន ដើម្បីជាប្រយោជន៍ដល់សង្គមជាតិ៕

img2705202007 img2705202009 img2705202010 img2705202005 img2705202004 img2705202003