(Khmer) ព្រះរាជពិធីដង្ហែរព្រះបរមងារកិត្តិយស
Published Date: Friday, June 05, 2015, 4:32 PM
(Khmer)
ព្រះរាជពិធីដង្ហែរព្រះបរមងារកិត្តិយស (ព្រះស្រីលោកធម្មិករាជ) ថ្វាយព្រះករុណាព្រះបាទសម្តេចព្រះបរមនាថ នរោត្តមសីហមុនី ព្រះម ហាក្សត្រ នៃព្រះរាជជាណាចក្រកម្ពុជា ត្រូវបានធ្វើឡើងយ៉ាងឱឡារឹក និងប្រកបដោយកិត្តិយសខ្ពង់ខ្ពង់បំផុត ។ នៅព្រឹកថ្ងៃទី០៣ ខែមិថុនា ឆ្នាំ២០១៥នេះ ក្នុងឱកាសប្រារព្ធពិធីដង្ហែព្រះរាជបរមងារ «ព្រះស្រីលោកធម្មិករាជ» ថ្វាយព្រះមហាក្សត្រ ព្រះតេជគុណគ្រប់គណៈ ព្រះសង្ឃគ្រប់ព្រះអង្គ ព្រមទាំងវត្តមានសម្តេចសង្ឃរាជ ជប៉ុន សឹង្ហបុរី និងម៉ុងហ្គោលី, ប្រមុខថ្នាក់ដឹកនាំព្រឹទ្ធសភា រដ្ឋសភា រាជរដ្ឋាភិបាលកម្ពុជា មន្ត្រីរាជការគ្រប់ក្រសួង មន្ទីរ ស្ថាប័ននានា សាលារាជធានីភ្នំពេញ និងខណ្ឌទាំង១២ បានចូលរួមពិធីរាប់បាត្រព្រះសង្ឃ១ម៉ឺនអង្គ ដោយសេចក្តីសោមនស្សរីករាយយ៉ាងក្រៃលែង ដោយមានពុទ្ធបរិស័ទ ចូលរួមរាប់បាត្រសរុបប្រមាណ៣ម៉ឺននាក់៕
